Belə çıxır ki, hakim müstəqildirsə, hakim toxunulmazdırsa ...ŞİKAYƏTÇİ

12 Avqust 202412:00

“Hüquqları Pozulmuş Məhkumların Müdafiəsi və Maarifləndirilməsi” İctimai Birliyi tərəfindən növbəti dəfə redaksiyamıza şikayət məktubu daxil olub. Bu dəfə Birinci Vitse-Prezidentin  Katibliyinin rəisi Altay Həsənova   müraciət edən İctimai Birlik, şikayətinin  katibliyin rəisinə  heç bir aidiyyəti olmadığını bilir. Ancaq,  ümid edir ki, bəlkə  Altay müəllim etibar və ehtimad göstərilmiş bir  məmur kimi  baş verən  bu olayları  Birinci Vitse Prezidentə çatdırdı !?...  İctimai Birliyin  Altay Həsənova müraciətini  olduğu kimi dərc edirik.
Hörmətli  Altay müəllim!
Bir neçə müddətdir ki, Bakı şəhəri Xəzər Rayon Məhkəməsinin sədr və hakiminin qanunla bir araya sığmayan hərəkətləri (hərəkətsizliyi) barədə Prezidentə, Birinci-Vitse Prezidentə və aidiyyəti qurumlara olmaqla  müraciətlər  edirik. Bildiririk ki, Xəzər Rayon Məhkəməsində koorrupsiya, rüşvət tuğyan edir, necə deyərlər ayaq tutub yeriyir. Məhkəmənin sədr və hakimi pulsuz işə baxmırlar, bu bir reallıqdır və danılmaz faktdır.  Buna baxmayaraq,  hələlik heç bir tədbir görülməmişdir və  nəticə yoxdur.Bu gün,  elə bir məhkum və elə bir məhkum ailəsi tapmaq olmaz, desin ki, Xəzər Rayon Məhkəməsində hansısa məhkumun müraciətinə pulsuz baxılmış və HÖKM-ündə müsbət dəyişiklik  edilmişdir. Qətiyyən,  belə bir məhkum və məhkum ailəsi  tapmaq olmaz.Heç bir tədbir görülmədiyi üçün İctimai Birlik olaraq hesab edirik ki, müraciətlərimiz Prezidentə və Birinci Vitse Prezidentə çatdırılmır  və maraqlı şəxslər tərəfindən  qarşısı alınır.
Hörmətli  Altay müəllim!
Bakı şəhəri Xəzər Rayon Məhkəməsinə müraciət edən məhkumun barəsində Xəzər Rayon Məhkəməsinin hakimi 14.06.2024-cü il tarixdə 7(003)-821/2024 saylı qərar çıxarmış. Hakim qərarında 3(üç) məhkumun anket məlumatlarını, ad familiyalarını, ata adını qarma-qarışıq salmışdır.  Qərardan açıq-aşkar görünür ki, məhkəmənin sədr və hakimi hansısa məhkumun qərarının üzünü köçürmüş, onu da normal köçürdə, məhkumların ad familiyalarının yerini belə düzgün dəyişdirə bilməmişdir. Ona görə də, məhkumların anket məlumatlarını, şəxsiyyətlərini qarışıq salmışdır.Məhkəmənin sədr və hakimi hətta məhkəmə iclasında dövlət ittihamını müdafiə edən Prokurorun da adından yalançı ifadələr yazmışdır.Hakim qərarında qeyd edir ki, məhkəmə iclasında virtual iştirak edən Prokuror  məhkum Əhədzadə Mütəllim Rəcəbli oğlunun ərizəsinin təmin edilməsinə etirazını bildirmişdir.Məhkəmə Fəqan Abdullayevin müraciətinə baxdığı və Prokuror da məhkum Fəqan Abdullayevin məhkəmə iclasında iştirak etdiyi halda, Prokurorun iclasda iştirak etməyən, iclasa heç bir aidiyyəti olmayan Mütəllim Əhədzadənin adını çəkməsi tamalilə absurd məsələdir. Hakimin qərarında Prokurorun adından yazdıqlarından elə çıxır ki, Prokurorun hansı məhkumun müraciətinə, hansı məhkumun işinə baxdığı , hansı məhkumun şəxsiyyətindən söhbət getdiyindən məlumatı olmamışdır.
Əsl həqiqətdə isə əksinə!...  İctimai Birlik hesab edir ki,  məhkəmənin sədr və hakiminin hansı məhkumun müraciətinə, hansı məhkumun işinə baxdığından – keçirdiyi  məhkəmə iclasının fərqinə varmadığı üçün, Prokurorun da adından yalançı ifadələr yazmışdır.
Hörmətli Altay müəllim!
Bu barədə, barəsində qərar çıxarılmış məhkum özü və İctimai Birlik olaraq biz özümüz də Xəzər Rayon Məhkəməsinə müraciət etdik. Xəzər Rayon Məhkəməsinin sədr və hakimindən Qərarda yazdığı qarma-qarışıqlığa aydınlıq gətirmələrini xahiş etdik. Müraciətlərimizdən və Məhkəmə Hüquq Şurasının müdaxiləsindən  sonra, məhkəmənin sədr və hakimi öz səhvlərini “anlaşılmazlıq və uyğunsuzluq kimi”   başa düşmüş və  qərarında düzəliş etmişdir.Amma, biləsiniz ki, məhkəmənin sədr və hakimi qərarında sona kimi düzəliş edə bilməmişdir. Qərarının təsviri hissəsində yazdıqları səhvlərini düzəltmiş və  Qərarın əsaslandırıcı hissəsində Prokurorun adından yazdıqları yalançı ifadələri düzəltməmişdir.Belə çıxır ki,  hakim ya qərarı axıra kimi oxumamış, ya  yazdıqlarını-oxuduqlarını başa düşmür  və yaxud da hakimin qərarını kimsə yazır, o da bu cür yazır - başından eləyir!?...  
Görünür, Xəzər Rayon Məhkəməsinin sədr və hakimi sərbəst qərar yaza, hətta katibi tərəfindən yazılmış qərarı belə üzündən oxuya bilmir!? Bu barədə kimə müraciət ediriksə,  hakim müstəqildir,  hakim toxunulmazdır deyir!?  Bu cür hakimlərə qarşı necə və hansı formada mübarızə aparmaq olar!?
Hörmətli  Altay müəlim! ​​​
Bəlkə bu barədə Prezidentə və Birinci Vitse Prezidentə məlumat verəsiniz. Heç vaxt Prezident və yaxud da Birinci Vitse Prezident bu kimi ədalətsizliyə göz yummaz, biz bunu tam əminliklə deyirik.Onu da biləsiniz ki, hakimin ilkin Qərarı cəmi 2-cə (ikicə) vərəqdən ibarətdir. Xəzər Rayon Məhkəməsinin sədr və hakimi,  Qərarında 2-ci dəfə düzəliş etməsi üçün, Baş Prokurora, Məhkəmə Hüquq Şurasına və  Xəzər Rayon  Məhkəməsinin  sədr və hakiminin şəxsən özünə 2-ci dəfə təkrar müraciət etmişik.Tutaq ki, məhkəmənin sədr və hakimi  səhvlərini  yenə də olduğu kimi “anlaşılmazlıq və uyğunsuzluq kimi”  başa düşüb  2-ci dəfə  də  Qərarında düzəliş etdi. Görəsən bununla vətəndaş-məhkumun və yaxud da vətəndaşların-məhkumların işi düzələcəkmi?
Əgər, bir Məhkəmənin sədr və hakimi iki vərəqli yazıdan ibarət Qərarında, Prezidentə, Birinci Vitse Prezidentə, Məhkəmə Hüquq Şurasına və sairə qurumlara olunan şikayətlərdən və onların birbaşa müdaxiləsindən sonra belə özündə məsuliyyət hiss edib, Qərarında axıra kimi düzəliş edə bilmirsə, demək bu sədr və hakim dövlətimiz və dövlətçiliyimiz üçün təhlükədir.  Demək, hələ hakim dövlətin adından qərar çıxardığını başa  düşmür!?...  Ya da ki fərqində deyil!?...    
Belə çıxır ki, hakim müstəqildirsə, hakim toxunulmazdırsa, dövlətin adından istədiyi kimi qərar çıxara bilər, necə ki, çıxartmışdır, demək hakim oxumağı,yazmağı bacarmasa da olar!?  Bu cür hakimlər ədalətli qərar çıxara bilərlərmi?  Bu cür hakimlər qanunun nə olduğunu bilirlərmi!?
Hörmətli Altay müəllim !
Dövlət də, məhkəmənin sədr və hakimi də ,vətəndaş-məhkum da bizimdir. Dövlətimiz nə məhkumunu, nə vətəndaşını, nə də ki savadsızını, oxuyub-yaza bilməyən vətəndaşını çölə atmır.Əgər, məhkəmənin sədr və hakimi yazıb-oxuya bilmirsə özü çıxıb  getsin,  başqa işlə məşğul olsun....  Nə məcburdur və bunları kimlər məcbur edir ki, məhkəmənin sədr və hakimi işləsin?  
Sizdən xahiş edirik:
Xəzər Rayon Məhkəməsinin sədr və hakiminin  qanunla bir araya sığmayan qanunsuz hərəkətləri barədə Prezidentə və Birinci-Vitse Prezidentə məlumat verəsiniz.
Qabaqcadan öz minnətdarlığımızı bildiririk.
Hazırladı:    K.Balaşqızı.​
Redaksiyadan:  Müraciətdə adları qeyd olunan şəxslərin də mövqeyini dərc etməyə hazırıq.