İctimai Birlik Prezidentin köməkçisi Şahmar Möhsümovdan xahiş etdi...ŞİKAYƏTÇİ

9 Avqust 202415:00

“Hüquqları Pozulmuş Məhkumların Müdafiəsi və Maarifləndirilməsi” İctimai Birliyi tərəfindən növbəti dəfə redaksiyamıza şikayət məktubu daxil olub. Bu dəfə Prezidentin köməkçisi - Prezident Administrasiyasının İqtisadi məsələlər və innovativ siyasət şıbəsinin müdiri Şahmar Mövsümova müraciət edən, İctimai Birlik şikayətinin bu şöbəyə heç bir aidiyyəti olmadığını bilir. Amma ümid edir ki, bəlkə müraciət etdikləri  məmurların içərisindən  bir  nəfər  məmur  çıxıb ölkəmizdə baş verən bu olayları  olduğu kimi Prezidentə və Birinci Vitse Prezidentə çatdıracaqdır !?...  İctimai Birliyin Şahmar Mövsümova  etdiyi müraciəti olduğu kimi dərc edirik.
Hörmətli  Şahmar Mövsümov!
Bir neçə müddətdir ki, Bakı şəhəri Xəzər Rayon Məhkəməsinin sədr və hakiminin qanunla bir araya sığmayan hərəkətləri (hərəkətsizliyi) barədə Prezidentə, Birinci-Vitse Prezidentə və aidiyyəti qurumlara olmaqla  müraciətlər  edirik.  Bildiririk ki,  Xəzər Rayon Məhkəməsində koorrupsiya, rüşvət tuğyan edir, necə deyərlər ayaq tutub yeriyir. Məhkəmənin sədr və hakimi pulsuz işə baxmırlar, bu bir reallıqdır və danılmaz faktdır.  Buna baxmayaraq, hələlik heç bir tədbir görülməmişdir və  nəticə yoxdur. Bu gün, elə bir məhkum və elə bir məhkum ailəsi tapmaq olmaz, desin ki, Xəzər Rayon Məhkəməsində hansısa məhkumun müraciətinə pulsuz baxılmış və HÖKM-ündə müsbət dəyişiklik  edilmişdir. Qətiyyən,  belə bir məhkum və məhkum ailəsi  tapmaq olmaz.Heç bir tədbir görülmədiyi üçün İctimai Birlik  hesab edir ki, müraciətlərimiz Prezidentə çatmır  və  maraqlı şəxslər tərəfindən qarşısını alırlar.
Hörmətli Şahmar Mövsümov!
Ən dəhşətlisi isə odur ki, Xəzər Rayon Məhkəməsinin sədr və hakimi sərbəst qərar yaza, hətta katibi tərəfindən yazılmış qərarı belə üzündən oxuya bilmir!? Bu barədə kimə müraciət ediriksə, hakim müstəqildir, hakim toxunulmazdır deyir!? Bu cür hakimlərə qarşı necə, hansı formada mübarizə aparmaq olar!? Bəlkə bu barədə Prezidentə məlumat verəsiniz. Yoxsa, ölkə başçısı bu kimi ədalətsizliyə heç vaxtı göz yummaz, biz bunu tam əminliklə deyirik.
Hörmətli Şahmar Mövsümov !
Xəzər Rayon Məhkəməsinin barəsində yuxarıda qeyd  etdiklərimizi təsdiq edən faktı  təqdim edirəm.                  
Belə ki, Bakı şəhəri Xəzər Rayon Məhkəməsi məhkumun barəsində  7(003)-821/2024 nömrəli, 14.06.2024-cü il tarixdə çıxarmış olduğu Qərarında 3(üç) məhkumun şəxsiyyətini, anket məlumatlarını və ad familiyalarını ata adlarını bir-birinə qarışdırmışdır. Qərardan açıq-aşkar görünür ki, hakim hansısa qərarın üzünü köçürərkən məhkumların şəxsiyyətlərini, anket məlumatlarını qarışıq salmışdır.
Bu barədə, barəsində qərar çıxarılmış məhkum özü və İctimai Birlik olaraq biz özümüz də Xəzər Rayon Məhkəməsinə müraciət etdik. Xəzər Rayon Məhkəməsinin sədr və hakimindən Qərarda yazdığı qarma-qarışıqlığa aydınlıq gətirmələrini xahiş etdik.    Müraciətləridən və Məhkəmə Hüquq Şurasının müdaxiləsindən sonra, məhkəmənin sədr və hakimi öz səhvlərini  “anlaşılmazlıq və uyğunsuzluq kimi” başa düşmüş və qərarında düzəliş etmişdir.
Amma, biləsiniz ki, məhkəmənin sədr və hakimi qərarında sona kimi düzəliş etməmişdir. Qərarının təsviri hissəsində yazdığları səhvlərini düzəltmiş və Qərarın əsaslandırıcı hissəsində yazdıqları səhvləri düzəltməmişdir.
Belə çıxır ki, hakim ya qərarı axıra kimi oxumamış, ya  yazdıqlarını-oxuduqlarını başa düşmür  və yaxud da hakim özü müstəqil qərar yaza bilmir, hakimin qərarını kimsə yazıb-oxuyur, o da başından edir.
Hörmətli  Şahmar Mövsümov !
Onu da biləsiniz ki, Qərar cəmi 2(iki) vərəqdən ibarətdir. Xəzər Rayon Məhkəməsinin sədr və hakimi,  Qərarında 2-ci dəfə düzəliş etməsi üçün,  Baş Prokurora, Məhkəmə Hüquq Şurasına və  Xəzər Rayon  Məhkəməsinin  sədr və hakiminin şəxsən özünə 2-ci dəfə müraciət etmişik.Tutaq ki, məhkəmənin sədr və hakimi  səhvlərini  yenə də olduğu kimi “anlaşılmazlıq və uyğunsuzluq kimi”  başa düşüb  2-ci dəfə  də Qərarında düzəliş etdi, görəsən bununla vətəndaş-məhkumun və yaxud da vətəndaşların-məhkumların işi düzələcəkmi?
Bir Məhkəmənin sədr və hakimi iki vərəqli yazıdan ibarət Qərarında, Prezidentə, Birinci Vitse Prezidentə, Məhkəmə Hüquq Şurasına və sairə qurumlara olunan şikayətlərdən və onların birbaşa müdaxiləsindən sonra da özündə məsuliyyət hiss edib, Qərarında axıra kimi düzəliş edə bilmirsə, demək bu sədr və hakim həqiqətən də oxuyub, yazmağı bacarmır!?      
Belə çıxır ki, hakim müstəqildirsə, hakim toxunulmazdırsa, demək hakim oxumağı,yazmağı bacarmasa da olar!?  Bu cür hakimlər ədalətli qərar çıxara bilərlərmi? Bu cür hakimlər qanunun nə olduğunu bilərlərmi!?
Faciəmiz ondadır ki, hakim Qərarında Prokurorun da adından yalan danışmışdır  və Prokurorun adından  yalan ifadələr yazmışdır. Məhkəmə  iclasında (virtual iştirak edən) Prokuror  heç vaxtı  iclasda iştirak etməyən hansısa məhkumun adını çəkməz.  
Məhkum məcbur olub məhkəməyə təkrar müraciət edir ki, Qərarda adı çəkilən məhkum Əhədzadə Mütəllim Rəcəb oğlu ilə bağlı Prokurorun adından yazdıqları  yalan ifadəyə də aydınlıq gətirsin? ​
Hörmətli Şahmar Mövsümov !
Dövlət də, məhkəmənin sədr və hakimi də, vətəndaş-məhkum da bizimdir. Dövlətimiz nə məhkumunu, nə vətəndaşını, nə də ki savadsızını, oxuyub-yaza bilməyən vətəndaşını çölə atmır.Əgər, məhkəmənin sədr və hakimi yazıb-oxuya bilmirsə özü çıxıb  getsin,  başqa işlə məşğul olsun....  Nə məcburdur və bunları kimlər məcbur edir ki, məhkəmənin sədr və hakimi işləsin?    Əgər getmirsə neynəməliyik!
Sizdən xahiş edirik:
Xəzər Rayon Məhkəməsinin sədr və hakiminin yazıb, oxuya bilmədiyi, qanunla bir araya sığmayan qanunsuz hərəkətləri barədə Prezidentə və Birinci-Vitse Prezidentə məlumat verəsiniz.
Qabaqcadan öz minnətdarlığımızı bildiririk.
Hazırladı:    K.Balaşqızı.​
Redaksiyadan:   Müraciətdə adları qeyd olunan şəxslərin də mövqeyini dərc etməyə hazırıq.